Идомаи ҷаласаи Шӯрои вазирони корҳои хориҷии кишварҳои СҲИ
Душанбе, 29.05.2015 (АМИТ «Ховар»).- 28 майи соли 2015 дар Давлати Кувайт ҷаласаи 42-юми Шӯрои вазирони корҳои хориҷии давлатҳои аъзои Созмони Ҳамкории Исломӣ (СҲИ), ки дар он ҳайати Тоҷикистон таҳти роҳбарии муовини вазири корҳои хориҷӣ Низомиддин Зоҳидӣ ҳузур дорад, кори худро идома бахшид.
Дар нимаи аввали рӯз суханронии роҳбарони ҳайатҳо идома ёфт. Зимнан, Н.Зоҳидӣ дар он иштирокчиёни чорабиниро бо мавқеи Ҷумҳурии Тоҷикистон нисбат ба масъалаҳои мубрами олами ислом, ки ба рӯзномаи ҷаласа ворид шудаанд, шинос кард ва аз кишварҳои аъзои СҲИ ҷиҳати иштироки фаъол дар Конфронси дарпешистодаи байналмилалӣ дар мавзӯи об дар шаҳри Душанбе даъват ба амал овард.
Дар ҳошияи рӯзи дуввуми кори ҷаласа мулоқоти дуҷонибаи муовини вазири корҳои хориҷии Ҷумҳурии Тоҷикистон Н. Зоҳидӣ бо муовини вазири корҳои хориҷии Давлати Кувайт Холид Сулаймон Ҷоруллоҳ сурат гирифт ва зимни он тамоми маҷмӯи масъалаҳои рушду тақвияти равобити дуҷонибаи байни Тоҷикистон ва Кувайт мавриди муҳокима ва ибрози назар қарор доштанд.
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
