Оксфам БК Айниро бо об таъмин мекунад

Душанбе, 19.05.2015. (АМИТ «Ховар»). — 20 майи соли ҷорӣ шуъбаи Ассотсиатсияи Оксфам БК дар Тоҷикистон ва ҳукумати ноҳияи Айнӣ барои амалӣ намудани Лоиҳаи «Таъмини об ва беҳдоштӣ барои ҷомеаҳо (ЛТОБҶ)» Ёддошти ҳусни тафоҳумро ба имзо хоҳанд расонд.  
Лоиҳаи «ЛТОБҶ» аз тарафи Вазорати корҳои хориҷии Финляндия аз тариқи Барномаи ФинВоте ВЕЙ маблағгузорӣ мешавад, ки таҳти раҳбарии Пажӯҳишгоҳи муҳити зисти Финляндия (SYKE) мебошад. Лоиҳаро ташкилоти байналмиллалии Оксфам БК дар ҳамкорӣ бо мақомоти маҳаллӣ ва ташкилотҳои ҷамъиятӣ дар ноҳияҳои Айнӣ ва Рӯдакӣ амалӣ месозад. 
Мақсади ташаббуси мазкур аз тақвият бахшидан ба қобилият ва имконияти одамон барои амалӣ намудани ҳуқуқҳо ва уҳдадориҳои худ дар таъмини об ва беҳдошт (ТОБ) иборат буда, иштироки онҳоро дар идораи ТОБ дар деҳотҷои Тоҷикистон афзун менамояд.
Баъд аз амалӣ гаштани лоиҳа дастрасии тақрибан 6,000 нафар одам ба оби нӯшокии бехатар ва беҳдоштӣ беҳтар хоҳад шуд. 
Лоиҳаи «ЛТОБҶ» ба самтҳои зерин аҳамияти махсус медиҳад:
• Ҷорӣ намудани механизмҳои шаффофу ғайримарказонидашудаи қабули қарор, махсусан Фонди Боварии Об (ФБО) барои рушд, фаъолият ва нигоҳубини сохторҳои таъмини оби нӯшокӣ ва беҳдоштӣ дар деҳотҷойҳо бо иштироки фаъоли ҷамоатҳо ва тартиб додани Нақшаҳои оби безарар;
• Ҳамкорӣ/Шаффофияти беҳгашта ва иштроки фаъоли соҳибони ҳуқуқ дар идораи хизматрасониҳои таъмини об ва беҳдоштӣ;
• Барқарорсозӣ/сохтмони самараноки иншоотҳои таъмини оби нӯшокӣ ва беҳдоштӣ. 
Ёдовар мешавем, ки ибтидо аз соли 2001 барномаи ПОБГи Оксфам БК ба ислоҳоти ташкилотӣ ва сиёсӣ дар Тоҷикистон саҳми худро гузошт, Ҳамкории васеъро байни тарафҳои манфиатдори асосӣ ба роҳ мондааст ва дастрасии устувор ба оби нӯшокии бехатарро барои зиёда аз 70,000 нафар дар Тоҷикистон таъмин намудааст.