Рисолати оиладорӣ дар рушди миллат ва пешрафти давлат

Душанбе, 30.06.2015. (АМИТ  «Ховар», Лайло Тоирӣ).- «Оила — неруи пешбарандаи ҷомеа»-таҳти чунин унвон бахшида ба Соли оила дар Муассисаи давлатии «Кохи фарҳанги ба номи Абӯабдуллоҳи Рӯдакӣ»-и шаҳри Хуҷанд бо ташаббуси Раёсати кор бо занон ва оилаи мақомоти иҷроияи ҳокимияти давлатии вилоят конфронси вилоятӣ баргузор гардид. Дар он дар мавзуъҳои «Рисолати оиладорӣ дар рушди миллат ва пешрафти давлат», «Баланд бардоштани сатҳи маърифати ҳуқуқӣ — яке аз омилҳои асоси солимии оила», «Муаммоҳои оиладорӣ ва роҳҳои ҳолли он», «Оила аз нигоҳи дини мубини ислом», «Нақши оила дар риояи Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд», «Никоҳи хешутаборӣ ва хавфи он дар ҷомеа» маърӯза карданд. 
Вобаста ба тарғиби либоси миллӣ байни занону духтарон дар  конфронси мазкур либосҳои миллии рӯзмарра ва идона намоиш дода шуданд, ки аз ҷониби ҳунармандони маҳаллӣ омода гардидаанд.