25 сентябр- Рӯзи шаҳри Хуҷанд

Душанбе, 13.07.2015. (АМИТ «Ховар», Ситораи Боймурод).- Ба иттилои Хадамоти матбуоти раиси вилояти Суғд, аз ин пас ҳар сол санаи  25 — уми сентябр дар маркази вилояти Суғд ҳамчун Рӯзи шаҳри Хуҷанд таҷлил мешавад.
Ба иттилои Раҷаббой Аҳмадзода, раиси шаҳр, Рамзи шаҳри Хуҷанд санаи 25 сентябри соли 2014 аз ҷониби вакилони шаҳри Хуҷанд тасдиқ  шуд ва ин сана бо таклифи вакилони шаҳрӣ Рӯзи шаҳри Хуҷанд эълон гардид.
Гуфта мешавад, ки имсол 25 сентябр нахустин маротиба Рӯзи шаҳри Хуҷанд таҷлил мешавад.
Шаҳри Хуҷанд яке аз минтақаҳои пешрафтаи Тоҷикистон маҳсуб шуда, он бо шаҳрҳои Могилёви Беларус, Линколни ИМА, Ганҷаи Озарбойҷон ва Табрези Эрон бародаршаҳр мебошад.