34 ҳазор ҷойи нави корӣ дар Хатлон

Қӯрғонтеппа,  22.07.15. (АМИТ «Ховар», Мурод  Сотиев). — Тайи нимсолаи  якуми  соли  ҷорӣ  дар   вилояти  Хатлон 34  ҳазору  192 ҷойи  нави  корӣ  фароҳам  оварда шуд, ки нисбат  ба  нишондодҳои  соли гузашта баробари 6 ҳазору 603 ҷойи  корӣ зиёд  аст. 
Назар  ба  иттилои  Сарраёсати Агентии  меҳнат ва  шуғли  аҳолии вилояти  Хатлон, дурнамои  фароҳам овардани ҷойҳои нави  корӣ  барои  соли  равон  баробари  73  фоиз  иҷро  шудааст. 
Қобили  зикр  аст,  ки дар  вилояти  Хатлон  тамоюли  коҳишёбии  қарзҳои  маош, ки то  имрӯз 3  миллиону 100 ҳазор сомониро ташкил  медиҳанд, ба назар  мерасад. Қарзҳои  зикршуда ба  бахши буҷа ва  қарзҳои нафақаю маоши омӯзгорону  кормандони тиб  дахл  надоранд.