А. Исматзода: 238,5 км минтақаи зиддисӯхторӣ таъмир гардид

Душанбе, 22.07.2015. (АМИТ «Ховар», Раъно Нусратуллозода).-Дар нимсолаи аввали соли ҷорӣ аз тарафи кормандони ҳифзи давлатии ҷангал оид ба пешгирии ҳифзи чангалзор аз сӯхтор, қонунвайронкуниҳо ва таъсири ҳашароти зараррасон нақшаи чорабиниҳо   таҳия гардида, амалӣ гашта истодааст,-изҳор намуд директори Агентии хоҷагии ҷангали назди Ҳукумати Ҷумҳурии Тоҷикистон Азизулло Исматзода 21 июл зимни нишасти матбуотӣ.
А. Исматзода гуфт, ки дар ин асос хоҷагиҳои ҷангал дар қаламрави заминҳои фонди давлатии ҷангал 238,5 км минтақаҳои зиддисӯхториро таъмир, нигоҳубин ва аз нав ба тартиб дароварда, 10,9 км минтақаи зиддисӯхторӣ ва 9,5 км роҳҳои дохилии ҷангалро аз нав эҳё ва навсозӣ намуда, бо мақсади пешгирӣ намудани афзоиш ва паҳншавии ҳашароти зараррасон дар майдони 7 ҳазору 289 га ҷангалзор чорабиниҳои пешгирикунанда гузаронида шуданд.