Ҳалокати 6 нафар бар асари омадани сел дар Ванҷ
Душанбе, 21.07.2015. (АМИТ «Ховар»). -Дирӯз, 20 июл дар ҳудуди ноҳияи Ванҷи Вилояти Мухтори Кӯҳистони Бадахшон сел фаромада, боиси ҳалокати одамон ва харобии роҳу пулҳо гардид.
Хабарнигори минтақавии АМИТ «Ховар» иттилоъ медиҳад, ки бори аввал сел соати 11 фаромада, дар километри 450-уми роҳи мошингарди Хоруғ-Душанбе, дар мавзеи Даштак як пулро пурра хароб кард. Дар ин мавзеъ ситоди ҳолатҳои фавқулода ва мудофиаи граждании ВМКБ бо ҷалби техникаҳо ҷиҳати фавран барқарор намудани пули муваққатӣ кор мебурд. Ҳангоми иҷрои корҳои барқарорсозӣ бори дуюм соати 19-и бегоҳ сел фаромада, пули муваққатиро пурра вайрон карда, ду адад техникаи роҳсозиро бо худ бурд, ки дар натиҷа ронандаи яке аз онҳо низ ҳалок гардид.
Инчунин дар ҷамоати деҳоти Ҷовидони ноҳияи Ванҷ сел як мошини «Starex»-ро бурд, ки дар натиҷа 5 нафар ҳалок ва чанд нафари дигар ҷароҳат бардоштааст.
Бино ба иттилои муовини сардори ситоди ҳолатҳои фавқулода ва мудофиаи граждании ВМКБ дар ҷамоати деҳоти Абдуллоеви ноҳияи Ванҷ оби дарё аз меъёри муқаррарӣ зиёд шуда, ба беш аз 50 хонаи истиқоматӣ таҳдид мекунад.
Чунин ҳолат дар деҳаи Техарв низ мушоҳида мешавад.
Имрӯз дар доманакӯҳҳои Тоҷикистон ҳаво то 36 дараҷа гарм мешавад
Имрӯз дар водиҳои Тоҷикистон ҳаво то 39 дараҷа гарм мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
Дар муассисаҳои таҳсилоти олии вилояти Ивановои Федератсияи Русия зиёда аз 600 шаҳрванди Тоҷикистон таҳсил менамоянд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Имрӯз дар Филиали Донишкадаи энергетикии Москва дар шаҳри Душанбе нишасти матбуотӣ доир мегардад
Филиали Донишгоҳи миллии таҳқиқотии технологӣ «МИСИС»-ро 127 донишҷӯ хатм намуд
Тоҷикистон ва Ҷопон ҳамкориро дар соҳаи энергетика ва захираҳои об густариш медиҳанд
15 хатмкунандаи Филиали Донишкадаи рушди менеҷменти Сингапур тибқи стандартҳои таълимии Британияи Кабир соҳиби дараҷаҳои магистрӣ шуданд
ПАНҶСОЛАИ РУШДИ САНОАТ. Дар ноҳияи Рашт 10 коргоҳи истеҳсолию корхонаи саноатӣ ба истифода дода мешавад
Ғолибони даври дуюми Озмуни ҷумҳуриявии «Тоҷикистон — Ватани азизи ман» муайян гардиданд
