Амалиёти ҳарбии қӯшунҳои Ироқ барои озод кардани вилояти Анбар

Душанбе, 14.07.15. (АМИТ «Ховар»). – Ба  иттилои агентии  Синхуа артиши  Ироқ эълом доштааст, ки  13  июл  қувваҳои амниятӣ ва ҷузъу  томҳои  ихтиёриён  барои  озод  кардани  бархе   шаҳрҳои  муҳими  вилояти  Анбар,  аз ҷумла  маркази  маъмурии Рамади, ки онро  созмони  ифротгарои «Давлати  исломӣ»  забт  карда буд,  ба  амалиёти калонҳаҷми  ҳарбӣ  шурӯъ  намуданд. 
Артиши  Ироқ  дар  нимаи  якуми  рӯзи  13  июл  аз тариқи телевизиони  давлатӣ  хабар  дод, ки  амалиёти  ҳарбӣ барои  бозпас  гирифтани  вилояти  Анбар  соати  05:00 дақиқаи  вақти маҳаллӣ  оғоз  ёфта, қувваҳои  бехатарӣ, ихтиёриёни  мазҳаби  шиа  ва як  қисми  гурӯҳҳои  мусаллаҳои  вилояти  Анбар  дар  самти  муайяншуда  пеш  мераванд.
Ёдовар  мешавем, ки  дар  ҳоли  ҳозир  қисми  зиёди  вилояти Анбарро «Давлати  исломӣ»   забт  намуда, силоҳбадастон  кӯшиш  доранд, ки  аз  Анбар  сӯи  Бағдод  ҳаракат  кунанд.