Ҷамъбасти натоиҷи фаъолият дар нимсолаи якум

Душанбе, 13.07.15. (АМИТ «Ховар»). — Дар  ҷаласаи Агентии  назорати  маводи  нашъаовари  назди Президенти  ҶТ  натоиҷи  фаъолияти фаврии хидматӣ тайи  6 моҳи  соли  2015 ҷамъбаст  гардид. 
Диққати  роҳбарони  ниҳодҳои  Агентии  назорати  маводи  нашъаовар  ба  бархе  нуқсонҳои  мавҷуда  дар ташкили  кори  фаврӣ  барои ҷилавгирии фаъолияти гурӯҳҳои  муташаккили  ҷинояткор, ки ба  интиқоли  маводи  нашъаовар машғуланд, рӯи  кор  овардани чорабиниҳо  ба  манзури коҳиш  додани  талабот  ба  маводи  мухаддир  дар  минтақаҳои  наздисарӣ,  такмили  ихтисоси  ҳайати  шахсӣ,  интихоб ва  ҷобаҷогузории  кадрҳо ҷалб  карда шуд. 
Ба  кормандони  масъули  Агентӣ  дастур  дода шуд, ки  барои рафъи  нуқсонҳои  мавҷуда  чораҳои  зарурӣ  бинанд. Се  нафар  кормандони  Агентӣ барои паст  будани  сатҳи  фаъолияти хидматиашон ба ҷавобгарии интизомӣ кашида шуданд.  Дар  бораи ҷойивазкунии  ҳайати  шахсии  Агентӣ  қарор  қабул  шуд.
Дар  ҷаласа  Нақшаи чорабиниҳои  асосии Агентӣ барои нимсолаи дуюми  соли  равон  тасдиқ  гардид.