Ҷамъбасти озмуни ихтироъкорон

Душанбе, 24.07. 2015 (АМИТ «Ховар», Фарзонаи Давлат).-Дирӯз дар Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон маросими ҷоизасупорӣ ба ихтироъкорони ҷавон доир гардид. Дар озмун 43 ихтироъкор ширкат варзид ва Комиссия  бо назардошти озмун ғолибонро муайян намуд. Дар натиҷа як нафар сазовори медали тиллоии Созмони ҷахонии моликияти зеҳнӣ, ду нафар сазовори ҷоизаи олии Ташкилоти патентии Авруосиёгӣ-медали тиллоии ба номи Виктор Иванович Блинников, чор нафар сазовори «Нишони фахрӣ»-и Муассисаи давлатии «Маркази миллии патенту иттилоот»-и Вазорати рушди иқтисод ва савдои Ҷумҳурии Тоҷикистон, се нафар сазовори (Нишон)-и Муассисаи давлатии «Маркази миллии патенту иттилоот»-и Вазорати рушди иқтисод ва савдои ҶТ ва се нафари дигар сазовор ба дипломҳои дараҷаи аввал, дуюм ва сеюм дониста шуданд.
Ихтирооти аз ҷониби довталабони ғолиб пешниҳодгардида ба соҳаҳои химия, байторӣ, кишоварзӣ, нассоҷӣ ва тиб мансубанд.