Бекоркунии ақди никоҳ рӯ ба камшавӣ овардааст

Душанбе, 09.07.2015. (АМИТ «Ховар», Лайло Тоирӣ).- Мувофиқи маълумоти Раёсати асноди ҳолати шаҳрвандии Вазорати адлияи Ҷумҳурии Тоҷикистон   дар шаш моҳи соли равон қайди никоҳ дар ҷумҳурӣ 33 ҳазору 384 ададро ташкил дод, ки  нисбат ба ҳамин давраи соли гузашта (43.299 адад) 9 ҳазору 915 адад кам мебошад. Қайди давлатии бекор кардани ақди никоҳ, 4 ҳазору 539 ҳолатро ташкил медиҳад, ки назар ба соли гузашта 124 ҳолат кам мебошад.
Ин теъдод дар шаш моҳи соли ҷорӣ дар вилояти Суғд 1 ҳазору 910 ҳолат ё 42,07%, дар шаҳри Душанбе 570 ҳолат ё 12,5%, дар НТҶ 1 ҳазору 057 ҳолат ё 23,2%, вилояти Хатлон 947 ҳолат ё 20,8% ва ВМКБ 55 ҳолат ё 1,21%-ро ташкил медиҳад.  
Тавре ки аз Кумитаи кор бо занон ва оила иттилоъ доданд,  дар давраи ҳисоботӣ дар вилояти Хатлон 89 ҳолат ва дар шаҳри Душанбе 64 ҳолат кам ба қайд гирифта шудааст.