Дар ғарби Ироқ даҳҳо нафар силоҳбадастони «ДИ» нест карда шуданд

Душанбе, 21.07.15. (АМИТ «Ховар»). – Агентии  ТАСС  зимни  истинод ва Вазорати  корҳои  дохилии Ироқ  хабар  медиҳад, ки  дар  ҷараёни  амалиёти  зиддитеррористӣ  дар  вилояти  Анбари Ироқ даҳҳо  нафар   силоҳбадастони  гурӯҳи «Давлати  Исломӣ» нест  карда шуданд.
«Дар  қисми  шарқии  шаҳри  Рамади  11  нафар  террористони  ДИ  кушта  ва  чор  истеҳкоми онҳо   нест  карда шуд», — изҳор  дошт фармондеҳи  пулиси  федералӣ  Раёд  Шокир Ҷавдат.
Ба  гуфтаи  мавсуф,  низомиён қӯрхонаеро, ки  ифротиён лавозимоти  ҳарбиро  дар  он  нигоҳ  медоштанд, ба  даст оварданд.
Ёдовар  мешавем, ки  ҳафтаи гузашта низомиёни  Ироқ  дар  шаҳри  Анбар  ба   мавқеъҳои  силоҳбадастон  ҳамла оварданд. Самтҳои  асосии  зарбаҳо  шаҳрҳои  Рамади  ва Ал – Фаллуҷа қарор  доштанд.