Дар Покистон қатораи мусофирбар ба дарё афтид

Душанбе, 03.07.15. (АМИТ «Ховар»). — Ба  иттилои   васоити  ахбори омма, дар  шаҳри  Гуҷранвали  Покистон (музофоти  Панҷоб) қатораи  мусофирбар  ба дарё  афтид. 
Тавре ки  шабакаи  телевизионии Geo TV хабар  медиҳад,  бар  асари  ин  ҳодиса ҳафт  нафар  ҳалок  гардида, камаш  40  нафар  осеб  дидааст. 
Мувофиқи  маълумоти  шабакаи  телевизионӣ,  ду  вагони  дорои аз  140 то 155  мусофир ғарқи  дарё  шуданд.
Алҳол  дар  маҳали  воқеа наҷотдиҳандагон  кор  мекунанд. Барои  наҷот  додани мусофирони  қатора  ҷузъу томҳои  қувваҳои  мусаллаҳи  Покистон  ва якчанд  чархболи  низомӣ ҷалб  шудаанд. 
Мувофиқи тахмини пешакӣ, сабаби ин ҳодиса вазъи  ғайриқаноатбахши  пули  роҳи оҳан  будааст, ки  беш  аз 50  сол  муқаддам  сохта  шудааст.