Дар Туркия 7 ҷангии «Давлати исломӣ» боздошт шуданд

Душанбе, 02.07.2015 (НИАТ «Ховар»).- Полиси Туркия дар натиҷаи як амалиёт 7 узви гурӯҳи ифротгарои «Давлати исломӣ»-ро боздошт намуд. Дар ин бора хабаргузориҳои Туркия бо такя ба иттилои мақомоти ҳифзи ҳуқуқи ин кишвар хабар медиҳанд.
Ҷангиёни ифротгарои «Давлати исломӣ» ҳангоми бозгашт аз Сурия, ки онҷо дар ҷангҳои мусаллаҳ иштирок кардаанд, боздошт гардиданд. Аз боздоштшудагон ду адад пистолет, адабиёти гуногуни ифротӣ ва парчами ташкилоти террористии «Давлати исломӣ» дарёфт ва мусодира гардид.