Файзобод: ифтитоҳи хобгоҳи кӯдакона дар “Дурахшон”

Файзобод, 15.07.2015. (АМИТ «Ховар», Субҳониддини Маҳмуд).-Дар истироҳатгоҳи  тобистонаи «Дурахшон»-и ноҳияи Файзобод бинои  нави  хобгоҳ барои  40 нафар ба истифода  дода шуд. Мувофиқи иттилои муовини директори  истироҳатгоҳи «Дурахшон »  Абдухолиқ Насриддинов   ҳоло дар басти дуюм  121 кӯдак  дар ин истироҳатгоҳ  ба таълиму тарбия  ва истироҳату фароғат фаро гирифта шудааст. Боиси хурсандист, ки дар басти дуюм  10 нафар фарзандони Бадахшон ва  кӯдакони Хатлонзамин бо кӯдакони файзободӣ  дар истироҳатгоҳи «Дурахшон » ба истироҳати бофароғат машғуланд. 
Ба андешаи  мураббияи калони   истироҳатгоҳ  Мунира Назарова ташкили истироҳатгоҳҳои ҷумҳуриявӣ  ва дар  як  истироҳатгоҳ ҷамъ  гардидани кӯдакони тамоми маҳалҳои ҷумҳурӣ барои дар оянда муттаҳид гардидани тамоми  ҷавонони ватанамон замина мегузорад.