Фозил-Ал-Ғаровӣ : ДИИШ инсонҳоро ҳамчун сипар истифода мекунад

 Душанбе, 15.07.2015. (АМИТ «Ховар», Тоҷиддин Аҳмадзода)-Ба гузориши Комиссияи олии ҳуқуқи башари Ироқ, террористҳои ДИИШ барои пешгирӣ аз пешравиҳои неруҳои ироқӣ  дар Фалуҷа, тамоми масҷидҳо, хонаҳои истиқоматӣ ва роҳҳои пайваста ба ин шаҳрро бомбгузорӣ кардаанд. Хабаргузории Раъй-ул-Явм ба нақл аз Фозил-Ал-Ғаровӣ, узви ин Комиссия эълом кард, ки ДИИШ ҳудуди се моҳ аст, ки аз баромадани ғайринизомиён аз Фалуҷа монеа эҷод карда, аз онҳо ҳамчун сипари инсонӣ истифода мекунад. Бино бар гузориши расонаҳои ироқӣ  неруҳои ироқӣ дар ҳоли минтақаҳои ғарбӣ, ҷанубӣ ва шарқии роҳ ба сӯи Фалуҷаро дар ихтиёр доранд.