Густариши ҳамкории Тоҷикистону Русия дар шаш моҳи соли 2015

Душанбе, 28.07.2015. (АМИТ «Ховар», Фарзонаи Давлат).-Дар нимсолаи аввал ҳамкорӣ бо Федератсияи Русия, ки шарики стратегии кишвар ба ҳисоб меравад, густариш ёфтаанд, — гуфт вазири корҳои хориҷии Тоҷикистон Сироҷиддин Аслов имрӯз зимни нишасти матбуотӣ ба  хабарнигорон.
Ба гуфтаи Аслов дар ин нимсола Тоҷикистон ҳамкорӣ асосан оид ба  фаъолияти меҳнатӣ ва ҳифзи ҳуқуқи шаҳрвандони Тоҷикистон дар Русия ва шаҳрвандони Русия дар Тоҷикистон таҳким гардонида шуд. Ҳамчунин ӯ афзуд, ки дар ин давра ҷаласаи 13-уми Комиссияи байниҳукуматӣ оид ба ҳамкории иқтисодӣ доир гардид, ки ин далели  густариши ҳамкорӣ мебошад.