Хоруғ: мусобиқаи ҷумҳуриявӣ оид ба волейбол

Душанбе, 22.07.2015. (АМИТ «Ховар», Некрӯзи Муҳаммадсодиқ),- Рӯзҳои 15-19 августи соли 2015 дар шаҳри Хоруғ мусобиқаи ҷумҳуриявӣ оид ба волейбол байни ҷавондухтарони соли таваллуди 1998-2002 барои дарёфти Ҷоми мураббии шоистаи Ҷумҳурии Тоҷикистон Н. Одинаев баргузор  мешавад.
Сардовари мусобиқа М. Латипов (ш. Душанбе) ва саркотиб А. Олифтаев (ВМКБ) муайян шуда, ҳайати доваронро дар мувофиқа бо комиссияи ваколатӣ интихоб менамоянд. 
Ҳамчунин рӯзҳои 1-2 августи соли 2015 дар шаҳри Душанбе чемпионати Ҷумҳурии Тоҷикистон оид ба таэквондо ВТФ баргузор мегардад.
Сардовари чемпионат Ф. Раҳмонов (ш. Ваҳдат), саркотиб М. Хуморов (ш. Душанбе) муайян гардида,  ҳайати доваронро дар мувофиқа бо комиссияи ваколатӣ интихоб мекунанд. 
Дар ин бора Наврӯз Қурбонов, мутахассиси пешбари Кумитаи ҷавонон, варзиш ва сайёҳии назди Ҳумати Ҷумҳурии Тоҷикистон ба АМИТ «Ховар» иттилоъ дод.