Изҳороти ҷангиёни ДИ дар бораи рабудани се нафар насрониён аз Африқо ва Либия

Душанбе, 20.07.15. (АМИТ «Ховар»). – Агентии  Рейтер   зимни  истинод ба  изҳороти  ифротталабон  хабар  медиҳад, ки  силоҳбадастони гурӯҳи  ифротии «Давлати  исломӣ» дар  бораи   рабудани  се  нафар  насрониён   аз  кишварҳои африқоии қисми  шарқии  Либия  изҳорот  доданд.
Мувофиқи  маълумоти  агентӣ,  силоҳбадастон  шиносномаҳои се  нафар  шаҳрвандони  Миср,  Нигерия  ва Ганаро  дар  интернет  дарҷ  намудаанд. Ба  гуфтаи  як  сокини  маҳаллӣ,  ин  воқеа   дар қисми  ҷанубу  ғарбии   шаҳри  Сирти  Либия  рух  додааст. 
Намояндаи  қувваҳои ҷонибдори ҳукумати аз  ҷониби  ҷомеаи  ҷаҳон  эътирофшудаи  Муҳаммад  ал – Ҳиҷозӣ ҳақиқат  доштани  ин  воқеаро  тасдиқ  намуд.