Компютер дар ферма

Ҳисор, 24.07.2015. (АМИТ «Ховар», Ҳотами Шариф).-Чорводорони ноҳияи Ҳисор барои рушди соҳаи чорводорӣ тадбирҳои зарурӣ меандешанд. Ҳоло  дар Ҷамъияти дорои масъулияти маҳдуди хоҷагии зотпарварии «Баракати чорводор» сохтмони ду комплекси барҳавои замонавӣ барои 1100 сар гови дӯшоӣ, дар хоҷагии «Абдурауф Юсупов»  як комплекс барои 360 сар гов бо тарзи технологияи олмонӣ пешбинӣ гардида, сохтмони онҳо дар арафаи анҷомёбист. 
Ҳамаи чорвои калони шохдори дӯшоии хоҷагиҳои мазкур бо тасмаҳо (гарданбанд) таъмин буда, назорати ҳаракати чорво, бордоркунӣ  ва талаботи зооветеринарӣ ба тариқи компютерҳо идора шуда, истифодаи корҳои дастӣ нисбат ба солҳои пешин дучанд кам мешавад.