Маркази машваратии Санкт – Петербург барои сокинони Кӯлоб

Душанбе, 24.07.15. (АМИТ «Ховар», Лайло  Тоирӣ). – Ҳайати  сернамояндаи  шаҳри Санкт – Петербург  бо  роҳбарии  сардори шуъбаи муҳоҷирати  меҳнатӣ ва ҳамкорӣ  бо корфармоёни Кумитаи  меҳнат  ва   шуғли  аҳолии шаҳр Олга Козлова  Маркази  машваратии  бо  кор таъмин  намудани  сокинони  шаҳри  Кӯлобро ифтитоҳ  намуд. 
Тавре  ки  сардори  шуъбаи  хадамоти  муҳоҷирати  шаҳри  Кӯлоб  Икром  Раҳимов  хабар  дод, ин  иқдом  қадами  муҳимест  дар  роҳи  рушди  ҳамкорӣ  барои  таъмини  корхонаҳои шаҳри   Санкт —  Петербург  бо  қувваи  кор  аз  ҷумлаи шаҳрвандони Тоҷикистон.