Шартномаҳои фарҳангӣ- замина барои густариши ҳамкорӣ

Душанбе, 21.07.2015. (АМИТ «Ховар», Ситораи Боймурод).- Вазорати фарҳанги Ҷумҳурии Тоҷикистон ба густариши робитаву ҳамкории фарҳангии Ҷумҳурии Тоҷикистон бо ҳамтоёнаш аз кишварҳои хориҷӣ дар давраи ҳисоботӣ эътибори ҷиддӣ медиҳад.
Аз ҷумла, дар амри тақвияти заминаи ҳуқуқии ҳамкории фарҳангӣ созишномаҳо байни Ҷумҳурии Тоҷикистон ва ҳукуматҳои ҷумҳуриҳои Индонезия, Малайзия, Миср, Ҳукумати Давлати Фаластин ва Барнома байни Вазорати фарҳанги ҶТ ва вазоратҳои фарҳанги Ҷумҳурии Мардумии Чину Ҳиндустон дар соҳаи фарҳанг ва ҳунар дар мувофиқа бо вазорату сохторҳои марбутаи кишвар таҳия гардида, ҷиҳати ирсол ва мувофиқа аз тариқи Вазорати корҳои хориҷии ҶТ ба шарикон ирсол шуданд.