СММ дар Яман вазъияти фавқулоддаи дараҷаи сеюмро эълон кард

Душанбе, 03.07.15. (АМИТ «Ховар»). – СММ  бо  назардошти мураккабию  миқёси бӯҳрони  гуманитарӣ дар  Яман ҳолати  мавҷударо вазъияти  фавқулоддаи дараҷаи  сеюм эълом  дошт, ки  ин  сатҳи  баландтарини   бӯҳрони гуманитарӣ  аз  рӯи ҷадвали  СММ маҳсуб  меёбад. Қаблан ин  дараҷаро ба вазъиятҳои  Ироқ,  Сурия ва Судони  Ҷанубӣ  нисбат  дода буданд. 
Хабарнигор  Стефани Кудрикс  чунин  мегӯяд : «Тайи  се  соли охир  дар  Яман се ҳазор нафар ҳалок  гардиданд, ки  нисфи онҳоро  сокинони  маҳаллӣ ташкил  медиҳанд.  Ғайр  аз  ин  14  ҳазор нафар   захм  бардоштанд. Беш  аз  1  миллион  нафар сокинон маҷбур  буданд, ки  тарки хонаҳои  худ  кунанд, 21  миллион  нафар  ба ёрии  фавқулодда  эҳтиёҷ  доранд». 
Дабири  кулли  СММ  ҷонибҳои ихтилофотро  даъват  намуд, ки  ба  зӯроварӣ  фавран хотима  бахшанд,  то созмонҳои байналмилалӣ  ба  сокинони  Яман  дасти  ёрӣ  дароз  кунанд. Номбурда   вазъияти  ҳозираи  кишварро «фалокати  гуманитарӣ» қаламдод  кард.