Суғд: оғози имтиҳонсупорӣ дар ММТ
Хуҷанд, 02.07.2015. (АМИТ «Ховар»,Абдуаҳад Шарифзода).-Шурӯъ аз дирӯз чун дар дигар манотиқи кишвар, дар 11 маркази имтиҳонгирии Маркази миллии тестӣ дар шаҳру ноҳияҳои вилояти Суғд низ даври аввали имтиҳонсупорӣ барои довталабони гурӯҳи кластерҳои 1 ум, имтиҳони қисми А оғоз шуд.
Тавре ки масъулин аз Раёсати маорифи вилояти Суғд иттилоъ доданд, соли ҷорӣ мактабҳои таҳсилоти умумии вилоятро 33015 нафар хонанда, аз ҷумла 16467 духтар хатм намуд, ки аз ин шумора ба нуқтаҳои қабули Маркази миллии тестӣ наздик ба 18 000 нафар барои дохилшавӣ ҳуҷҷат супорид.
Ба гуфти манбаъ, имтиҳонҳои марказонидаи дохилшавӣ вобаста ба навъи ихтисосҳо- имтиҳони қисми А (имтиҳони умумӣ), имтиҳони қисми Б (имтиҳони ихтисос) ва имтиҳонҳои эҷодӣ ва маҳоратро дар бар мегиранд. Имтиҳони қисми А ва имтиҳони қисми Б-ро Маркази миллии тестӣ ва имтиҳонҳои эҷодӣ ва маҳоратро муассисаҳои таълимии дахлдор баргузор менамоянд.
-Аз шумораи умумии марказҳои амалкунанда 6 нуқтаи қабули имтиҳонгирӣ дар маркази вилоят шаҳри Хуҷанд: дар гимназияи № 4, 24, МТМУ №5,16, 19, 23, 2 нуқта дар ш.Истаравшан — гимназияи № 5 ва МТМУ № 1 ва як нуқтагӣ дар ноҳияи Бобоҷон Ғафуров дар гимназияи №1, ш.Конибодом дар гимназияи №1 ва ш.Панҷакент дар МТМУ-и 1 амал мекунанд, — афзуд манбаъ.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
Дар Русия аз дақиқаҳои аввал дар алоқа бимонед!
