Таҳлили вазъи ҳолатҳои номатлуби ҷомеа дар байни занон

 Душанбе, 15.07.2015. (АМИТ «Ховар», Лайло Тоирӣ).- Вазъи  ҳолатҳои номатлуби ҷомеа дар байни занон дар  Кумитаи кор бо занон ва оилаи назди Ҳукумати Ҷумҳурии Тоҷикистон дар  ҷамъбасти фаъолияти кории шашмоҳаи кумита ва зерсохторҳои он  таҳлил гардид.  Дар маҷлис  намояндаи Дастгоҳи иҷроияи Президенти Ҷумҳурии Тоҷикистон, сармутахассиси Раёсати рушди иҷтимоӣ Одинахӯҷа Саидов иштирок дошт.
Раиси кумита Хидирзода Махфират Умар фаъолияти кумитаро  дар шаш моҳ, иҷрои барномаҳои давлатӣ, стратегияҳо ва нақшаи чорабиниҳоро мавриди   баррасӣ қарор дода, барои  фаъолияти минбаъда вазифа гузошт. Дар маҷлис аз ҷумла,  ҷиҳати пешгирии вазъи номатлуби ҷомеа, шомилшавии занону ҷавонон ба ҳар гуна ҳизбу ҳаракатҳои ифротгаро таклифҳо пешниҳод шуданд.