Тоҷикистон бо кумаки Русия боз 6 шаҳрвандашро аз Яман берун овард
Душанбе, 16.07.2015 (АМИТ «Ховар»).-Санаи 16.07.2015 сол соати 1:45 бо ҳавопаймои махсуси Кумитаи ҳолатҳои фавқулодаи Федератсияи Русия шаш шаҳрванди Ҷумҳурии Тоҷикистон, ки сокинони шахри Душанбе, Қалъаи Хумб ва Панҷи кишваранд, аз шаҳри Санъои Ҷумҳурии Яман ба шаҳри Маскав оварда шуданд.
Тавре намояндаи расмии Сафорати Тоҷикистон дар Русия Муҳаммад Эгамзод хабар дод, шаҳрвандонро кормандони масъули Хадамоти консулии Сафорати Ҷумҳурии Тоҷикистон дар Федератсияи Русия ва Намояндагии Вазорати меҳнат, муҳоҷират ва шуғли аҳолӣ пешвоз гирифта, онҳоро дар ситоди муваққатӣ, ки аз ҷониби Кумитаи ҳолатҳои фавқулодаи кишвари иқомат ташкил шуда буд, ҷойгир намуданд. Худи ҳамин рӯз бо хатсайри Маскав-Душанбе як нафар- Хайруллоев Ҳ. гуселонида шуда, боқимонда бо хатсайри Маскав-Душанбе соати 23:00 бо вақти маҳаллӣ парвоз хоҳанд намуд.
Рӯйхати шаҳрвандони мазкур аз ҷониби Сафорати Ҷумҳурии Тоҷикистон дар Арабистони Саудӣ тартиб дода шуда, барои интиқол додани онҳо аз Яман ба Маскав ба ҷониби Русия пешниҳод шуд.
Зимни суҳбат бо шаҳрвандон маълум гардид, ки дар ҳоло теъдоди ками шаҳрвандони Тоҷикистон дар ин ҷумҳурии арабӣ боқӣ мемонад. Шаҳрвандон аз Ҳукумати Тоҷикистон ва Русия барои интиқол доданашон аз Яман ба Маскав ва пешвозу гуселонидан изҳори сипос намуданд.
Тоҷикистон ва Корея ҳамкориро дар самти рақамикунонии китобдорӣ густариш медиҳанд
Мутахассисони алоқа ба мавсими сармо омодагӣ мебинанд
Имрӯз дар шаҳри Душанбе ҳаво то 28 дараҷа гарм мешавад
Бо иштироки Сарвазири Тоҷикистон дар ноҳияи Шамсиддин Шоҳин иншооти гуногун ба истифода дода шуд
Бахшида ба Рӯзи забони давлатии Тоҷикистон дар ноҳияи Ёвон ҳамоиши тантанавӣ баргузор гардид
3 ОКТЯБР–РӮЗИ ТАЪСИСИ «ТЕЛЕВИЗИОНИ ТОҶИКИСТОН». Ин шабака дастовардҳои миллатро дар арсаи байналмилалӣ муаррифӣ менамояд
Эъломияи Душанбе оид ба инноватсия ва технологияҳои рақамӣ қабул гардид
