Вуруди ғайриқонунии маводи тамокугӣ
Душанбе, 30.07.2015. (АМИТ «Ховар», Раъно Нусратуллозода).-Аз ҷониби кормандони гумруки Панҷи Поёни Раёсати минтақавии гумрукӣ дар вилояти Хатлон боз як кӯшиши воридоти ғайриқонунии маводи тамокугӣ пешгирӣ шуд.
Тавре ки аз Хадамоти гумруки назди Ҳукумати Ҷумҳурии Тоҷикистон иттилоъ доданд, ҳангоми азназаргузаронии воситаи нақлиёти тамғаи «Мерседес-Бенс», ки ба сокини ноҳияи Муъминободи вилояти Хатлон тааллуқ дошт, бо гумони дар бордони мошин ҷой доштани маводи тамокугӣ мавриди боздошт қарор гирифт.
Маълум гардид, ки номбурда дар қисми поёнии бордони мошин пинҳонгоҳи махсус сохта, дар он 32 қуттии калон, яъне 1 ҳазору 600 баста ва ё 16 ҳазор дона қуттича сигори гуногунранги тамғаи ЕSSE-и истеҳсоли давлати Кореяро пинҳон намуда, болои онро бо халтаҳои маводи ғизоии шакар устокорона пӯшонидааст.
Номбурда ин миқдор маводи тамокугиро бо мақсади тиҷорат аз Давлати Исломии Афғонистон харидорӣ намуда, мехост бидуни риояи манфиатҳои иқтисодии Ҷумҳурии Тоҷикистон, ҳуҷҷатҳои лозимӣ ва барасмиятдарории гумрукӣ аз тариқи сарҳади гумрукӣ интиқол диҳад.
Аз рӯи ҳодисаи мазкур парвандаи ҳуқуқвайронкунии маъмурӣ оғоз шуда, тафтиш дар ин самт идома дорад.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
