Чкалов: Чорабинӣ бахшида ба рӯзи китоб

Душанбе, 04.09.2015. (АМИТ «Ховар»).- Дар толори Қасри фарҳанги шаҳри Чкалов бахшида ба Рӯзи китоб чорабинии идона баргузор гардид.
Тавре ки Хадамоти матбуоти  раиси вилояти Суғд хабар додааст,  аз оғози чорабинӣ адабиёти гуногун ба маърази тамошо гузошта шуд. 
Киромуддин Мухторов, муовини раиси шаҳр табрикоти раиси шаҳрро ба самъи ҳозирин расонида, ба кормандони соҳаи фарҳанг ва китобдорону ҳаводорони китоб дар иҷрои ин рисолати пурифтихор таманниётҳо намуд.
Зимнан, дар шаҳри Чкалов 1 китобхонаи марказӣ, 1 филиал ва 4 нуқтаҳои китобдиҳӣ мавҷуд аст. Махзани китобхонаи марказии шаҳр 38 ҳазору 474 адад адабиёти соҳаҳои гуногунро фаро гирифта, дар он 9 нафар кормандон ба муштариён хизмат мерасонанд. Айни замон 2542 нафар хонандагон ба  китобхонаи мазкур расман аъзо шудаанд.