Кишти такрории зироатҳои кишоварзӣ ба анҷом расид

Душанбе, 02.09.2015. (АМИТ «Ховар»).- Баъд аз ҷамъоварии ҳосили аввал кишоварзони ҷумҳурӣ муташаккилона  кишту кори такрории зироатҳои кишоварзиро  ба анҷом расониданд. Тибқи нақша имсол дар ҷумҳурӣ дар майдони 74700 гектар замин  такроранкишт карда мешавад. Дар асоси маълумоти фаврии Раёсати растанипарварӣ дар майдони 75726 гектар кишти такрории зироатҳои кишоварзӣ гузаронида шудааст, ки баробари 101,4 фоизи нақша буда, дар нисбати ҳамин давраи соли гузашта 6113 гектар афзунтар аст. 
Аз майдони умумии кишти такрорӣ 31571 гектарро кишти ғалладона, 14143 гектарро кишти ҷуворимакка барои дон, 6150 гектарро шолӣ ва  11278 гектарро  ғалладонаҳои дигар  ташкил додаанд. 
Ҳамзамон, дар ҷумҳурӣ то имрўз дар майдони 213 гектар кишти картошка, 7856 гектар  сабзавот, 3210 гектар полезӣ, 2910 гектар зироатҳои техникӣ ва 29967 гектар тухми  такрорӣ барои  хўроки чорво кошта  шудааст.