Мунтахаби Тоҷикистон: Бозии таҷрибавӣ бо мунтахаби клубҳои мамлакат

Душанбе, 2.09. 2015. (АМИТ “Ховар»). Дар доираи омодагӣ ба бозии навбатии интихобии Ҷоми ҷаҳон 2018 бо дастаи мунтахаби Австралия, ки дар варзишгоҳи марказии пойтахт рузи 8-сентябр мегузарад, мунтахаби кишварамон дирӯз дар як бозии таҷрибавӣ бо дастаи мунтахаби клубхои футболи Тоҷикистон вохӯрда бо натиҷаи 1 бар 0 пирӯз шуд. Сармурабии даста Мубин Эргашев дар ин вохӯрӣ хамаи аъзоёни тимро аз назар гузаронид. Ягона гол дар дакикаи 78-ум аз пеналтӣ аз ҷониби Парвиз Умарбоев зада шуд. Акнун дастаи мунтахаб то рузи 8-уми сентябр омодагиро  дар варзишгохи марказӣ идома медиҳад.