Падидаҳои номатлуби фарҳанги либоспӯшии занону ҷавондухтарон

Душанбе, 04.09.2015. (АМИТ «Ховар»).-  Дар Кумитаи кор бо занон ва оилаи назди Ҳукумати Ҷумҳурии Тоҷикистон бо иштироки мудирон, шуъбаҳо ва бахшҳои кор бо занон ва оилаи назди Ҳукумати Ҷумҳурии Тоҷикистон, ноҳияи Шоҳмансур ва Синои шаҳри Душанбе, фаъолзанон ва раисони шаҳракҳои ин маҳаллаҳо вохӯрӣ баргузор гардид.
Зимни вохӯрӣ раиси Кумитаи кор бо занон ва оилаи назди Ҳукумати Ҷумҳурии Тоҷикистон Махфират Хидирзода, аз падидаҳои номатлуби вақтҳои охир изҳори нигаронӣ намуда аз гаравиши ҷавонон ба ҳизбу ҳаракатҳо, фарҳанги либоспӯшии занону ҷавондухтарон, тақлид ба фарҳанги бегона, ки ба  равону  ҷаҳонбинии занону духтарони мо таъсири манфии худро мерасонад андешаронӣ намуда аз иштирокдорон ҳисси баланди ватандорӣ, аз даст надодани ҳушёрӣ ва зиракии сиёсӣ даъват ба амал оварда барои пешбурди кор дар ин самт таклифу пешниҳодҳои судманд дод.