Беҳтарин дастаи ҳунарии шаҳру ноҳияҳои Суғд кадом аст?
Душанбе, 11.11.2015. (АМИТ «Ховар).- Бо мақсади дарёфти истеъдодҳои ҷавон шурӯъ аз моҳи апрели соли равон дар вилояти Суғд озмуни беҳтарин дастаи ҳунарии шаҳру ноҳияҳои вилоят ҷараён дорад.
То имрӯз дар Маҷмааи таърихиву фарҳангии Қалъаи Хуҷанд аз ҷониби ҳунармандони 17 шаҳру ноҳияи вилоят барномаҳои ҷолиби фарҳангӣ пешкаши тамошобинон гардонида шуданд. Ин навбат ҳунармандони шаҳри Хуҷанд дар Театри наврасон ва ҷавонони ба номи Одилҷон Назарови маркази вилоят барномаи омоданамудаи хешро намоиш доданд.
Барномаи дастаи ҳунарии шаҳри Хуҷанд низ тибқи шартҳои озмун аз навозиши умумӣ, намоиши либосҳои милии занона ва мардона, суруди якка ва суруди ҳаҷвӣ иборат буд. Ҳамзамон дар барнома аз ҷониби ровиён шеърҳо дар васфи Ватан ва сулҳу ваҳдат қироат шуданд. Баргузории чунин озмунҳо дар баробари дарёфти истеъдодҳои ҷавон ҳамчунин барои рушду нумӯи фарҳанг ва санъати миллӣ заминаи воқеӣ мегузорад.
Бояд гуфт, ки озмун бо дастури роҳбарияти вилоят роҳандозӣ гардида, дар рӯзҳои наздик ҷамъбаст мегардад. Ба ғолибони озмун барои мақоми аввал 5 ҳазор сомонӣ, ҷои дуюм 3 ҳазор сомонӣ ва барои ҷои сеюм 2 ҳазор сомонӣ мукофот дода мешавад.
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
