Сафари Маҳмадсаид Убайдуллоев ба Санкт-Петербург
Душанбе, 25.11.2015.(АМИТ «Ховар»).- Субҳи имрӯз ҳайати парлумонии Ҷумҳурии Тоҷикистон таҳти роҳбарии раиси Маҷлиси миллии Маҷлиси Олии Ҷумҳурии Тоҷикистон Маҳмадсаид Убайдуллоев ба шаҳри Санкт-Петербурги Федератсияи Русия сафар кард. Интизор меравад, ки ҳайати палатаи болоии Парлумони Тоҷикистон дар ҷаласаи Шӯро ва иҷлосияи чилусеюми пленарии Ассамблеяи байнипарлумонии давлатҳои иштирокчии Иттиҳоди Давлатҳои Мустақил /ИДМ/, кори комиссияҳои доимии он, ҷаласаи шӯро ва иҷлосияи ҳаштуми пленарии Ассамблеяи парлумонии Созмони Аҳдномаи амнияти дастаҷамъӣ /СААД/, ки 26-27 ноябри соли равон дар Санкт -Петербург баргузор мегарданд, иштирок менамояд.
Дар сафар раиси Маҷлиси миллиро раисони кумитаҳои палатаи болоии Парлумони мамлакат Гулмаҳмадзода Давлатшоҳ Қурбоналӣ, Фарҳод Раҳимӣ, Имомзода Муҳаммадюсуф Сайдалӣ ва узви кумитаи Маҷлиси миллӣ Зикрихудо Самадов ҳамроҳӣ менамоянд.
Дар доираи чорабиниҳои Ассамблеяи байнипарлумонии давлатҳои иштирокчии ИДМ ва Ассамблеяи парлумонии СААД мулоқоти раиси Маҷлиси миллӣ Маҳмадсаид Убайдуллоев бо роҳбарони парлумонҳо, созмонҳои байналмилалӣ ва минтақавӣ дар назар дошта шудааст.
«ТОҶИКИСТОНИ РАҚАМӢ». Душанбе зимни баргузории Форуми байналмилалии TAJ-TECH 2026 ба майдони бузурги муаррифии дастовардҳои IT табдил ёфт
Дар Тоҷикистон сохтмони хонаҳои истиқоматӣ вусъат ёфтааст
Имрӯз дар шаҳри Душанбе ҳаво то 28 дараҷа гарм мешавад
Муассисаҳои буҷетии ноҳияи Тоҷикобод бо ангишти кони Камароб пурра таъмин карда шуданд
Сафири Тоҷикистон дар Амрико дар Форуми сатҳи баланд иштирок намуд
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
