Таҷлили Рӯзи Парчами давлатӣ
Душанбе, 24.11.2015.(АМИТ «Ховар»).-Имрӯз, 24 ноябр дар саросари кишварамон Рӯзи Парчами давлатии Ҷумҳурии Тоҷикистон дар сатҳи баланд ва шукуҳи хосса таҷлил мешавад. Бахусус пойтахти кишварамон шаҳри Душанбе дар ин рӯз қабои идона ба бар намудааст. Дар тамоми иншооти давлатӣ, биноҳои баландошёна, идораву муассисаҳо, кӯчаву хиёбонҳо ва воситаҳои нақлиёти ҷамъиятии пойтахт Парчами давлатӣ насб гардидааст.
Бояд тазаккур дод, ки дар ин рӯз ба ифтихори таҷлили Рӯзи Парчами давлатӣ аз назди муҷассамаи Абӯалӣ ибни Сино то майдони «Дӯстӣ»- назди муҷассамаи Исмоили Сомонӣ /Маҷмааи ваҳдат ва эҳёи Тоҷикистон/ роҳпаймоии ҷавонону донишҷӯён гузаронида мешавад.
Ҳамзамон шаҳрдории Душанбе шоми имрӯз ба ифтихори Рӯзи Парчами давлатии Ҷумҳурии Тоҷикистон дар Наврӯзгоҳи пойтахт бо ҳузури 8 ҳазор сокини пойтахт барномаи идонаи фарҳангиро тарҳрезӣ намудааст. Мавриди зикр аст, ки Парчами давлатӣ, дар радифи Сарқонуни асосии кишвар, Нишон ва Суруди миллӣ аз рукнҳои муқаддасоти миллӣ маҳсуб шуда, таҷассумгари соҳибистиқлолии кишвар ва ифтихори миллатамон аст.
Имрӯз дар шаҳри Душанбе ҳаво то 44 дараҷа гарм мешавад
20 июл дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
Имрӯз дар доманакӯҳҳои Тоҷикистон ҳаво то 37 дараҷа гарм мешавад
НИШАСТИ МАТБУОТӢ. Дар корхонаҳои саноатии ноҳияи Шоҳмансур ба маблағи беш аз 600 миллион сомонӣ маҳсулот истеҳсол шудааст
Имрӯз дар шаҳри Душанбе ҳаво то 40 дараҷа гарм мешавад
