Чорабиниҳо бар зидди ифротгароӣ дар ноҳияи Спитамен

Спитамен, 17.12.2015 (АМИТ «Ховар»).-   Дар асоси ҳамкории мақомоти иҷроияи ҳокимияти давлатии ноҳияи Спитамен тибқи нақшаи чорабиниҳои муштараки Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд, шуъбаи корҳои дохилӣ, бахшҳои занон, ҷавонон, варзиш ва сайёҳӣ дар ноҳияи Спитамен машварати  иттилоотӣ доир гардид.
Мавзӯи асосии чорабинӣ мубориза бар зидди ифротгароӣ ва терроризму экстремизм, ташвиқу тарғиби ҳаёти тарзи солим ва даъват намудани аҳли ҷомеа ба бунёдкорию созандагӣ буд.
Дар назди сокинон кормандони шуъбаи муҳоҷирати меҳнатии Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд, мақомоти иҷроияи маҳаллӣ ва шуъбаи корҳои дохилӣ сухан гуфтанд.