Истиқболи донишҷӯёни хатлонӣ аз додани унвони «Асосгузори сулҳу ваҳдати миллӣ — Пешвои миллат” ба Президенти Ҷумҳурии Тоҷикистон

Душанбе, 14.12.2015. (АМИТ «Ховар»).-Дар  Донишгоҳи давлатии Қурғонтеппа ба номи Носири Хусрав ҳамоиши ҷавонон, омӯзгорон, профессорон ва ҷавонони фаъоли донишгоҳ  вобаста ба иқдоми намояндагони мардумӣ барои ба Президенти кишвар Эмомалӣ Раҳмон додани унвони «Асосгузори сулҳу ваҳдати миллӣ — Пешвои миллат»  доир гардид. 
Муовини раиси вилояти Хатлон Ситора Шерзода иқдоми Маҷлиси намояндагонро  амри зарурӣ ва саривақтӣ дониста, афзуд, ки Президенти кишвар Эмомалӣ Раҳмон аз рӯзҳои нахустини ба сари қудрат омадан ҳамеша барои пешрафту шукуфоии Ватан талош варзида, ҷоннисориҳои худро барои беҳбуди зиндагии мардум равона кардааст.
Дар мулоқот муовини раиси вилоят аз хизматҳои Роҳбари давлат дар тӯли 24 соли Истиқлолият ёдовар гардида, изҳор намуд, ки қабули Қонуни Ҷумҳурии Тоҷикистон «Дар бораи Асосгузори сулҳу ваҳдати миллӣ — Пешвои миллат» нишонаи арҷ гузоштан ба ин заҳматҳо мебошад. 
Таъкид шуд, ки Ҳукумати мамлакат барои  насли ояндасоз ба воя расидани ҷавонон тамоми тадбирҳоро андешида, имрӯз шароити лозимӣ барои ҷавонон муҳайё  шудаанд.
Ҷавонону донишҷӯён доир ба додани унвони «Асосгузори сулҳу ваҳдати миллӣ — Пешвои миллат” ба Президенти Ҷумҳурии Тоҷикистон Эмомалӣ Раҳмон андешаронӣ карда, аз он  истиқбол намуданд. 
Гуфта шуд, ки ҷавонони дорои дониши баланд ва меҳанпарасту ватанхоҳ метавонанд дар ҳифзу ҳимояи Ватан ва рушду инкишофи он саҳм гузоранд. 
Чунин ҳамоишҳо дар Донишкадаи энергетикии Қурғонтеппа ва толори «Кохи Ватан»-и шаҳри Қурғонтеппа баргузор гардиданд.