Рабудани “Хундай-Старекс” аз назди бозори Саховат

Душанбе, 10.12.2015. (АМИТ «Ховар) — Ба ШВКД дар ноҳияи Фирдавсӣ  сокини 26-солаи шаҳри Кӯлоб муроҷиат намудааст, ки  16 сентябри соли равон, тахминан соати 02:00 шахсони номаълум мошини шахсиаш- тамғаи “Хундай-Старекс”-ро, ки дар назди кӯчаи Н.Қарабоев, воқеъ дар бозори Саховати шаҳри Душанбе беназорат меистод, ғайриқонунӣ ронда  бурдаанд. Зимни гузаронидани чорабиниҳои фаврӣ-ҷустуҷӯӣ кормандони милитсия сокини 21-солаи шаҳри Душанберо ҳамчун гумонбар дар рабудани воситаи нақлиёт дастгир карданд.  Нисбат ба далели мазкур парвандаи ҷиноятӣ оғоз гардида, тафтиш давом дорад.