Вашингтон гуфтаҳои Путинро дар мавриди ҳавопаймои аз ҷониби Туркия сарозершуда шарҳ дод

Декабрь 18, 2015 09:52

Душанбе, 18.12.2015. (АМИТ «Ховар»). — Амрико хостори ангезонидани низоъ миёни Русия ва Туркия нест, — изҳор дошт сухангӯи Кохи Сафед Ҷош Эрнест дар посух ба суоли рӯзноманигорон оид ба шарҳ додани суханони президенти Русия вобаста ба сабабҳои сарозершавии Су-24.
Ёдовар мешавем, ки 17-уми декабр президенти Федератсияи Русия Владимир Путин дар нишасти матбуотӣ зикр кард, ки мумкин аст, бомбаандози Русияро Туркия ба хотири додугирифти сиёсии ба худ хос ё махсус бо ИМА сарозер карда бошад.
Аммо, бино ба иттилои шабакаи телевизионии «Звезда», Ҷ. Эрнест ба ин гуфтаҳо розӣ нест. Тибқи маълумоте, ки ба ихтиёри Вашингтон расидаанд, ҳавопаймои Русия ҳарими ҳавоии Туркияро вайрон кардааст. Ва дар Кохи Сафед медонанд, ки сарнишинони Туркия ҳамтоёни русиягиашонро оид ба тағйир додани хати парвозашон ҳушдор додаанд, вале ин ҳушдорҳо бе ҷавоб мондаанд, — гуфт сухангӯи Кохи Сафед Ҷ. Эрнест. Ӯ ҳамчунин афзуд, ки ИМА Туркияро ҳамчун иттифоқчиаш дар НАТО дастгирӣ мекунад.
Дар баробари ин, ИМА ҳам Русия ва ҳам Туркияро даъват мекунанд, ки ба созиш оянд. 
«Мо, бо назардошти мушкилоти назаррас, ки ҳамагон дар Сурия рӯ ба рӯ мешавем, хосторӣ онем, ки Русия як роҳи кореро дар рӯҳияи ҳамкорӣ бештар бо ИМА ва шариконамон дар эътилоф, ки ба он Туркия низ шомил аст, пайдо намояд», — гуфт сухангӯи Барак Обама.

 

Декабрь 18, 2015 09:52

Хабарҳои дигари ин бахш

«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд
Дар «Шарора» басти якуми истироҳат барои хонандагони ноҳияи Исмоили Сомонии пойтахт оғоз гардид
Кумитаи кор бо занон ва оила таҳти унвони «Ваҳдат – мароми модарон» конференсия доир менамояд
Дар басти аввал дар «Зимчуруд» 250 нафар кӯдакон ба истироҳат фаро гирифта шуданд
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд