Ба танзим даровардани воридоти тухм дар соли 2015

Душанбе, 15.01.2016. (АМИТ «Ховар»).- Тибқи иттилои директори Агентии «Тоҷикстандарт» Ибодулло Қурбониён бо мақсади ба танзим даровардани воридоти тухм дар соли 2015 агентӣ шумораи дақиқи воридкунандагони ин навъи маҳсулотро муайян намуда, бо онҳо барои риояи талаботи ҳуҷҷатҳои меёърӣ-техникӣ, аз ҷумла регламенти техникии Ҷумҳурии Тоҷикистон “Дар бораи тамғагузории маҳсулоти хўрокворӣ” корҳои фаҳмондадиҳӣ гузаронид.
Инчунин барои роҳ надодан ба воридоти маҳсулоти пастсифати гўшт ва тухми мурғ аз хориҷи кишвар дар доираи нақшаи чорабиниҳои Шўрои ҳамоҳангсозӣ оид ба бехатарии маҳсулоти хўрокворӣ дар Агентии «Тоҷикстандарт» семинари машваратӣ дар мавзўи «Ба танзим даровардани фурўши тухми озуқавӣ ва гўшти парранда» баргузор гардид.