Хоҷа Муҳаммад Осиф: Покистон бесаброна мунтазири барқарор намудани роҳи мустақими нақлиётӣ бо Тоҷикистон аст
Душанбе, 12.01.2016. (АМИТ «Ховар»).-Амалишавии лоиҳаи «САSA-1000»- робитаи дуҷонибаи Тоҷикистону Покистонро боз ҳам мустаҳкамтар намуда, фазои нави фаъолияти иқтисодиро ба вуҷуд меорад. Ин нуктаро Хоҷа Муҳаммад Осиф, вазири федеролии захираҳои об ва энергетикаи Ҷумҳурии Исломии Покистон зимни баргузории нахустин вохӯрии гурӯҳи муштараки корӣ оид ба масъалаҳои энергетика ва инфрасохтор байни Ҷумҳурии Тоҷикистон ва Ҷумҳурии исломии Покистон дирӯз, 11 январ иброз дошт. «Ҳамкорӣ вобаста ба татбиқи лоиҳаи «САSA-1000»-миёни Тоҷикистон ва Покистон барои густариши амиқи робитаҳои таърихию фарҳангӣ мусоидат намуда, робитаҳои бародаронаи мавҷударо боз ҳам мустаҳкам мекунад»,-афзуд вазири федеролии захираҳои об ва энергетикаи Ҷумҳурии Исломии Покистон. Хоҷа Муҳаммад Осиф ҳамчунин таъкид намуд, ки ҳамон иқтидор ва дороие, ки мавқеи стратегии Покистон ба воситаи робитаҳои минтақавӣ дорад, ҳамаи роҳҳои имконпазирро ҷустуҷӯ менамояд. Дар ин самт амалишавии лоиҳаи «САSA-1000»-хеле муҳим ба ҳисоб меравад, афзуд номбурда.
«Покистон бесаброна мунтазири барқарор намудани роҳи мустақими нақлиётӣ бо Тоҷикистон аст ва дар ин самт орзуманди ҳарчи зудтар ҳал шудани мушкилоти мавҷуда дар ин масъала аст»,-изҳор дошт вазири федеролии захираҳои об ва энергетикаи Ҷумҳурии Исломии Покистон. Ба гуфтаи Хоҷа Муҳаммад Осиф мавҷудияти робитаҳои мустақими ҳавоӣ миёни Тоҷикистон ва Покистон масъалаи калидие аст, ки ҳамкории зич бо тиҷорат ва робита бо мардуми ҳар ду кишварро талаб мекунад. «Ҳамкорӣ дар самти мудофиа миёни Тоҷикистону Покистон рӯз то рӯз густариш ёфта истодааст, вале зарур аст, ки минбаъд низ дар ин самт ҳамкорӣ зичтар шаванд, то барои манфиатовари ҳарду кишвар мусоидат кунад»,-иброз дошт Хоҷа Муҳаммад Осиф .
Вазири федеролии захираҳои об ва энергетикаи Ҷумҳурии Исломии Покистон иттилоъ дод, ки Сарвазири Ҷумҳурии исломии Покистон барои ниёзмандони аз зилзилаи рӯзи 7-уми декабри соли 2015 зарардидаи Бадахшон дар ҳаҷми 1 млн. доллар кумаки башардӯстона ироа хоҳад кард. Хоҷа Муҳаммад Осиф иброз дошт, ки ин кумаки башардӯстона рӯзҳои наздик дастраси оилаҳои зарардида гашта, Покистон минбаъд низ Тоҷикистонро дар ҳама ҳолат дастгирӣ мекунад.
Ёдовар мешавем, ки яке аз ҳадафҳои сафари кории вазири федеролии захираҳои об ва энергетикаи Ҷумҳурии Исломии Покистон Хоҷа Муҳаммад Осиф ба Тоҷикистон- ин вусъат бахшидани ҳамкорӣ вобаста ба татбиқи саривақтии лоиҳаи минтақавии интиқоли неруи барқи «САSA-1000» ва имконияти сохтмони хатти интиқоли барқи иловагии 500 кв Тоҷикистон-Покистон мебошад.








Дар Душанбе ҳамкории Тоҷикистон ва Иёлоти Муттаҳидаи Амрико баррасӣ гардид
Директори АМИТ «Ховар» бо Сафири Туркия дар Тоҷикистон вохӯрӣ намуд
Дурнамои рушди ҳамкории Тоҷикистону Умон дар самтҳои иқтисоду тиҷорат баррасӣ гардид
Сафири Тоҷикистон бо муовини парлумонии Вазири корҳои хориҷии Ҷопон мулоқот намуд
Донишҷӯёни тоҷик дар Донишгоҳи Кувайт тавассути бурсия таҳсил менамоянд
Рӯзи Президенти Ҷумҳурии Тоҷикистон ва 15-солагии ифтитоҳи бинои Сафорат дар шаҳри Берлин таҷлил гардид
Сарвазири Покистон бо Вазири корҳои хориҷии Тоҷикистон вохӯрӣ намуд
Ҳайати Тоҷикистон дар ҷаласаи вазирони корҳои хориҷии Созмони ҳамкории иқтисодӣ иштирок намуд
Сафири Тоҷикистон бо Мудири кулли идораи амлок ва абнияи вазорати корҳои хориҷии Эрон вохӯрӣ намуд
Дар Сеул Рӯзи Президенти Ҷумҳурии Тоҷикистон таҷлил карда шуд
Сафири Тоҷикистон бо сардабири маҷаллаи фарҳангии «Ал-Арабӣ»-и Кувайт вохӯрӣ намуд
Дар Москва Рӯзи Президенти Ҷумҳурии Тоҷикистон таҷлил карда шуд






