Миннатдории Сарвари давлат аз кори ҳамаи шохаҳои ҳокимияти давлатӣ дар соли 2015

Душанбе, 21.01.2016. (АМИТ «Ховар»). — Сарвари давлат Эмомалӣ Раҳмон зимни баҳогузорӣ ба натиҷаҳои соли 2015, аз ҷумла изҳор дошт: “Ман аз кори ҳамаи шохаҳои ҳокимияти давлатӣ дар соли 2015 миннатдорам, зеро бо вуҷуди ҳамаи вазнинию душвориҳо солро мо бо натиҷаҳои намоёни рушд ҷамъбаст намудем”. Дар ин робита ба ҳамаи онҳое, ки давоми сол содиқонаю софдилона кору хизмат намудаанд, арзи сипос карда шуд.

Ин нукта дар оғози суханронии ҷамъбастии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар маҷлиси васеи Ҳукумати Ҷумҳурии Тоҷикистон зикр гардид.