Вокуниши Тоҷикистон ба озмоиши бомбаи ҳидрогенӣ дар ҶХДК

Душанбе, 11.01.2016 (АМИТ «Ховар»).- «Изҳороти ҳукумати Ҷумҳурии Халқӣ-Демократии Корея дар бораи озмоиши бомбаи 6 январи соли 2016 боиси таассуфи амиқ аст ва ин гуна иқдомҳо на танҳо муҷиби афзоиши танишҳо дар нимҷазираи Корея мебошанд, балки сулҳ ва амнияти ҷаҳониро низ ба чолиш мекашанд»,-омадааст дар изҳороти расмии ВКХ ҶТ.
Дар идомаи изҳороти расмӣ ҳамчунин омадааст: «Ҷумҳурии Тоҷикистон бори дигар ҷонибдории худро аз изҳороти ҷомеаи ҷаҳонӣ, ки ҷоҳталабиҳои ҳаставии ҶХДК-ро маҳкам мекунанд, иброз дошта, ин кишварро барои иҷрои содиқонаи қатъномаҳои дахлдори Шӯрои Амнияти СММ ва идомаи музокироти созанда дар формати маъруфи шашҷониба даъват менамояд».