Бонуи сарватманди чиноӣ Юй Южан кӯча мерӯбад

Февраль 12, 2016 14:54

Душанбе, 12.02.2016. (АМИТ «Ховар»).-Зани чиноӣ Юй Южан — бонуи сарватманд, бо дороӣ ва даромади пулии зиёди худ метавонад умуман дар ягон ҷо кор накунад, аммо вай ҳар рӯз то баромадани офтоб тамоми кӯчаҳои Уханяро, ки дар ҳудуди он зиндагӣ мекунад, мерӯбад. Сарват барои Юй Южан осону муфт ба даст наомадааст. Ӯ фирефтаи пулу боигарӣ ҳам нест. Зану шавҳар аввал хонаи сеошёна сохтанд ва ҳуҷраҳои онро барои дигарон ба иҷора доданд. Ин амал барои хонавода фоидаи хубе овард ва онҳо боз ду бинои дигари сеошёнае бунёд намуданд. Ҳоло онҳо соҳиби 17 бинои истиқоматӣ мебошанд, ки маблағи умумиашон 1,5 миллион долларро ташкил медиҳад. Пул хосияти дигар кардани инсонҳоро дорад. Одамони доро мағруру бо такаббур мешаванд. Вале Юй Южан заррае тағйир наёфт. Даромаде, ки Юй Южан аз иҷора додани хонаҳояш ба даст меорад, барои нигаҳдории аҳли хонаводааш басанда аст. Вале ӯ ҳоло меҳнатро на чун воситаи даромад ё пулкоркунӣ, балки барои хоксориву талқини сифати меҳнатдӯстӣ ба одамон ихтиёр кардааст. Ин бону барои тозагии атрофи хонааш ҳар субҳ либоси ранги норанҷидошта ба бар намуда, аз соли 1998 ба ин ҷониб ҳар рӯз аз соати сеи субҳ ба кӯча мебарояд. Даромади моҳонааш аз ин ҳисоб 1420 юан, ки тақрибан ба 200-220 доллари амрикоӣ баробар аст, мебошад. Кори кӯчарӯбиро Юй як воситаи оромкунии асаб барои занҳо меҳисобад. «Ҳамчунин ман барои рафъи хислати бадтарини инсонӣ — танбалӣ ба ин кор даст задам, то фарзандонам аз ман ба унвони модар ибрат бигиранду меҳнатдӯст бошанд»,- мегӯяд Юй.
Писару духтари Юй низ бо ин ҳама сарват соҳиби вазифа ва кори махсусе нестанд. Онҳо коргарони оддианд.

Февраль 12, 2016 14:54

Хабарҳои дигари ин бахш

1 август дар ноҳияҳои кӯҳии Тоҷикистон хавфи сар задани селҳои пиряхӣ боқӣ мемонад
Имрӯз дар якчанд кумитаю муассиса нишасти матбуотӣ баргузор мегардад
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Неругоҳи барқи обии «Қайроққум» навсозӣ мешавад
Ҷаласаи Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон доир гардид
1 август дар якчанд кумитаю муассиса нишасти матбуотӣ баргузор мегардад
Имрӯз дар Тоҷикистон ҳавои тағйирёбанда дар назар аст
Имрӯз дар Агентии назорат дар соҳаи маориф ва илм, Агентии хоҷагии ҷангал, Палатаи савдо ва саноат ва КВД «Тоҷиксуғурта» нишасти матбуотӣ баргузор мегардад
31 июл дар Агентии назорат дар соҳаи маориф ва илм, Агентии хоҷагии ҷангал, Палатаи савдо ва саноат ва КВД «Тоҷиксуғурта» нишасти матбуотӣ баргузор мегардад
МегаФон Тоҷикистон ва Федератсияи футболи Тоҷикистон ба рушд додани варзиш дар ҷумҳурӣ идома медиҳанд
Ҳайати Тоҷикистон дар барномаи байналмилалӣ оид ба амнияти киберӣ ва идоракунии зеҳни сунъӣ дар Чин иштирок намуд
Дар шаҳри Кӯлоб 120 ҳазор сомонӣ маоши кормандони тиб пардохт карда шуд