Чорабинии фарҳангӣ дар Театри давлатии академии опера ва балет

Февраль 24, 2016 10:01

Душанбе, 24.02.2016.(АМИТ «Ховар»).- Бахшида ба 23-юмин солгарди таъсиси Қувваҳои Мусаллаҳи Ҷумҳурии Тоҷикистон дирӯз дар Театри давлатии академии опера ва балети ба номи Садриддин Айнӣ бо иштироки роҳбарияти Вазорати мудофиа ва дигар мақомоти қудратии мамлакат, ҳамчунин афсарону сарбозон ҷамъомади бошукӯҳи идона баргузор шуд.
Ҳамоиш бо садо додани суруди миллӣ оғоз гардида, Паёми табрикотии Асосгузори сулҳу Ваҳдати миллӣ, Пешвои миллат, Президенти Ҷумҳурии Тоҷикистон, Сарфармондеҳи олии Қувваҳои Мусаллаҳ муҳтарам Эмомалӣ Раҳмон бахшида ба 23-юмин солгарди таъсиси Қувваҳои Мусаллаҳ ба хизматчиёни ҳарбӣ расонида шуд. Зимни чорабинӣ аз таърихи таъсис ва ташаккули минбаъдаи Артиши миллӣ ва дастоварду муваффақиятҳои он дар даврони соҳибистиқлолии мамлакат ёдовар шуда, таъкид гардид, ки бо гузашти бештар аз ду даҳсола, Қувваҳои Мусаллаҳи кишвар аллакай ба иқтидори бузурги мудофиавӣ табдил ёфтаву таъмини амнияту суботи имрӯзаи кишварро ба пуррагӣ бар дӯш доранд.
Аз он ёдоварӣ шуд, ки имрӯзҳо давлату ҳукумат барои боз ҳам беҳтар кардани шарту шароити буду бош дар сафи Қувваҳои Мусаллаҳ, беҳдошти заминаи моддиву техникӣ, баланд бардоштани малакаю маҳорати ҷангии хизматчиёни ҳарбӣ ва ҳалли мушкилоти маишии афсарону сарбозон таваҷҷуҳи ҷиддӣ зоҳир менамояд. Дар навбати худ аз тамоми хизматчиёни ҳарбӣ ҳам даъват шуд, ки ҷавобан ба ин дастгирию ғамхориҳои пайваста, рисолати бардӯшдоштаашонро содиқона иҷро карда, бо хизмат дар сафи Қувваҳои Мусаллаҳ намунаи олии муҳофизатгар ва ватандӯст будани худро собит созанд, зеро пешрафти босуръати ҷомеаи муосир, дар баробари равандҳои мусбат пайовардҳои манфиро, аз қабили терроризму экстремизм ҳам дар пай дорад ва ин аз ҳар нафар хизматчӣ омодабошии доимии ҳарбӣ ва малакаи кор бо техникаи муосири соҳавиро тақозо мекунад. Сипас ба хотири таъмини фароғати ҷамъомадагон, барномаи рангини фарҳангӣ бо иштироки ҳунармандони шинохтаи кишвар пешниҳод гардид.

Февраль 24, 2016 10:01

Хабарҳои дигари ин бахш

Мутахассисони Тоҷикистону Чин дар кӯҳҳои Помир корҳои илмӣ гузарониданд
Дар Душанбе рӯнамоии таҳқиқоти академик Муҳаммад Осимӣ баргузор гардид
ҲЕҶ МИЛЛАТИ ДУНЁ БА МИСЛИ «ШОҲНОМА» АСАР НАДОРАД. Беш аз 9900 хонавода дар Нуробод соҳиби туҳфаи Пешвои миллат гардиданд
Шаҳри Панҷакент бо номинатсияи сӯзанӣ ба узвияти Шурои байналмилалии ҳунармандӣ пазируфта мешавад
ТУҲФАИ АРЗАНДАИ ПРЕЗИДЕНТИ ТОҶИКИСТОН. «Шоҳнома»-и безаволи Фирдавсӣ ба сокинони ноҳияи Лахш тақдим гардид
Дар пойгоҳи сейсмикии ноҳияи Лахш таҷҳизоти нав насб карда шуд
Даври сеюми Озмуни ҷумҳуриявии «Фурӯғи субҳи доноӣ китоб аст» имрӯз дар Рашт ҷамъбаст мегардад
«АНДАЛЕБ-2025». Ҳунармандони Ҳисор дар даври минтақавии фестивал-озмун соҳиби холи баланд гардиданд
«ҲОМИИ ИСТИҚЛОЛЕМ». Бо иштироки муҳофизони Ватан дар Осорхонаи миллӣ ҳамоиш доир шуд
Ба сокинони шаҳру ноҳияҳои Бадахшон китоби «Шоҳнома»-туҳфаи Президенти Тоҷикистон тақдим мегардад
«ШОҲНОМА ВАТАН АСТ». Корвони китоби «Шоҳнома» ба ноҳияи Тоҷикобод ворид гардид
«АНДАЛЕБ». Даври дуюми Фестивал-озмуни ҷумҳуриявии телевизионии эҷодиёти халқ идома дорад