Моҳи октябр Фестивали байналмилалии театрҳои лӯхтак «Чодари хаёл» баргузор мешавад
ДУШАНБЕ, 09.03.2026. /АМИТ «Ховар»/. Моҳи октябри соли равон Фестивали байналмилалии театрҳои лӯхтак «Чодари хаёл» баргузор мешавад. Ин фестивал бо мақсади иҷрои банди 23-и «Ҷадвали баргузории ҷашну солгард, фестивалу намоиш, иду озмунҳои фарҳангию маърифатӣ ва анъанаю ҳунарҳои мардумӣ дар Ҷумҳурии Тоҷикистон барои соли 2026», ки бо Амри Президенти Ҷумҳурии Тоҷикистон аз 2 январи соли 2026 тасдиқ шудааст, гузаронида мешавад.
Вазорати фарҳанги Ҷумҳурии Тоҷикистон дар якҷоягӣ бо вазоратҳои корҳои хориҷӣ, маориф ва илм, кумитаҳои телевизион ва радио, кор бо ҷавонон ва варзиш, Иттифоқи арбобони театр ва Мақомоти иҷроияи ҳокимияти давлатии шаҳри Душанбе барои дар сатҳи баланд баргузор намудани ин чорабинии байналмилалии фарҳангӣ вазифадор карда шудаанд.
Дар Фестивали байналмилалии театрҳои касбии лӯхтак «Чодари хаёл» театрҳои лӯхтаки Тоҷикистон ва дигар кишварҳо бо намоишномаҳои беҳтарин иштирок мекунанд.
Ҳадафи аслии фестивал таҳкими ҳамкорӣ дар соҳаи театрҳои лӯхтак, эҳё ва рушди театри суннатии лӯхтаки тоҷик, инчунин беҳбуд бахшидан ба тарбияи эстетикии насли наврас мебошад.
Тавре масъулини баргузории фестивал иброз доштанд, Фестивали байналмилалии театрҳои лӯхтак «Чодари хаёл» як иди волои санъати асил аст ва пеш аз ҳама, туҳфаи беҳтарин барои тамошобинони хурдсол мебошад. Дар баробари ин шинос шудан бо ҳунари лӯхтакбозони мамлакатҳои хориҷӣ низ аз манфиат холӣ нест, чунки он на танҳо ба ҳамкории тарафайн, балки ба инкишофи ин навъи санъати театрӣ, пайдо шудани асарҳои нав, табодули таҷрибаи ҳунармандони давлатҳои гуногун ва тарбияи насли наврасу ҷавон мусоидат менамояд.
АКС: АМИТ «Ховар»
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
Дар Хуҷанд даври шаҳрии Озмуни ҷумҳуриявии «Тоҷикистон— Ватани азизи ман» оғоз шуд
