Дар Суғд маҳсулоти кӯҳнашудаву пастсифатро ошкор намуданд

Февраль 19, 2016 18:09

Душанбе, 19.02.2016 (АМИТ «Ховар») — «Соҳибкори эронӣ Маҳмадалӣ Фарзофар бо ҷалби коргарони ҷамъияти «Абад-Тиҷорат» хурмои муҳлати истифодааш гузаштаву ба ҳам часпидаро ба зарфҳои махсус рехта, аз нав бо об шуста, ба қуттиҳои нав ҷойгир намуда, ба фурӯш баровардааст. Бо ҳамин усул ҳалвои муҳлаташ гузаштаро ба қуттиҳои нав ҷойгир, аз нав тамғагузорӣ намуда, бе нишондоди санаи истеҳсолу муҳлати истеъмол ба савдо мебаровардааст». Тибқи маълумоти ба АМИТ «Ховар» пешниҳодгардида, мутахассисони Маркази «Тоҷикстандарт» дар вилояти Суғд якҷоя бо кормандони Раёсати КДАМ дар анборхонаи ҶДММ «Абад-Тиҷорат», воқеъ дар шаҳри Хуҷанд, санҷиш гузаронида, ба миқдори 8 тонна, баробар ба 52 ҳазор сомонӣ маҳсулоти хӯрокии пастсифат ва муҳлати истеъмолаш гузаштаро ошкор карданд. Маҳсулоти ошкоршудаи навъи «Фафа», ҳалвоҳои навъи «Симурғ» ва «Салих», намудҳои дигари шириниҳо истеҳсоли ҶИЭ буда, ба роҳбари ҶДММ «Абад-Тиҷорат» Маҳмадалӣ Фарзофар ва шарикони тиҷоратии ӯ тааллуқ доранд.
Дар ин бора ба АМИТ «Ховар» аз Маркази робитаҳои ҷамъиятии КДАМ ҶТ иттилоъ доданд.

Февраль 19, 2016 18:09

Хабарҳои дигари ин бахш

«АБАРМАРДИ ТАЪРИХСОЗ». Китоби академик Фарҳод Раҳимӣ доир ба корнамоиҳои беназири Президенти Тоҷикистон ба нашр расид
Имрӯз дар шаҳри Душанбе ҳаво то 38 дараҷа гарм мешавад
Доир ба мактаби сиёсию давлатдории Пешвои миллат китоб ба нашр расид
Имрӯз дар ноҳияҳои кӯҳии Тоҷикистон ҳаво то 33 дараҷа гарм мешавад
Бо донишҷӯёни ғолиби Стипендияи байналмилалии Президенти Ҷумҳурии Тоҷикистон «Дурахшандагон» вохӯрӣ доир гардид
Сокинони ноҳияи Рашт туҳфаи Пешвои миллат — «Шоҳнома»-и безаволро дастрас намуданд
Толорҳои алоқа дар Тоҷикистон бештар мегарданд
Имрӯз дар водиҳои Тоҷикистон ҳаво то 39 дараҷа гарм мешавад
Дар Панҷакент оид ба омодагии ҷавонон ба хизмати ҳарбӣ машварат баргузор шуд
ОМОДАГӢ БА СОЛИ НАВИ ТАҲСИЛ. Дар Истаравшан намоиш-фурӯши либосҳои мактабӣ ташкил гардид
Муовини Президенти Шурои ҷаҳонии ҳунарҳои мардумӣ дар минтақаи Осиё-Уқёнуси Ором бо тамаддуни тоҷикон шинос шуд
Бахшида ба 32-солагии Қувваҳои ҳарбӣ-ҳавоӣ ва мудофиаи зиддиҳавоӣ ҳамоиш доир шуд