Идомаи мубориза барои ҷоми ФФТ-2016

Душанбе, 17.02.2016 (АМИТ «Ховар»).- Дар варзишгоҳҳои марказии Қумсангир ва Фархор бозиҳои марҳилаи пешакии Ҷоми Федератсияи футболи Тоҷикистон -2016 дар минтақаи Хатлон идома доранд. Дар мусобиқа даҳ даста ба ду гурӯҳ — минтақаҳои Қурғонтеппа ва Кӯлоб тақсим шуда, иштирок менамоянд. Дар натиҷа ду даста соҳиби роҳхат ба марҳилаи ниҳоии Ҷоми ФФТ мешавад. Марҳилаи ниҳоии мусобиқа аз 1 то 12 март дар Душанбе доир мегардад.
Дар даври якум «Коммуна»-и Фархор бар «Равшан»-и Кӯлоб бо ҳисоби 2:1, «Кӯлоб» бар «Ҳосилот»-и Фархор (2:0), «Вахш»-и Қурғонтеппа бар «Дӯстӣ»-и Қумсангир (3:0) пирӯз омада, «Саройкамар» (Панҷ) бо «Панҷшер» (Ҷ. Румӣ) мусовӣ — 1:1 бозӣ карданд.