КМИР ҳайати комиссияҳои ҳавзавии раъйпурсиро тасдиқ кард
Душанбе, 24.02.2016.(АМИТ «Ховар).- Рӯзи 24 феврали соли 2016 таҳти роҳбарии раиси Комиссияи марказии интихобот ва раъйпурсии Ҷумҳурии Тоҷикистон Худоёрзода Бахтиёр Тавар ҷаласаи навбатии Комиссия баргузор гардид.
Хотиррасон бояд намуд, ки дар ҷаласаи қаблии Комиссияи марказии интихобот ва раъйпурсӣ аз таърихи 15-уми феврали соли ҷорӣ дар бораи ташкили 68 ҳавзаи раъйпурсӣ қарор қабул гардида буд.
Дар ҷаласаи имрӯза қайд гардид, ки яке аз масъалаҳои муҳими давраи омодагиҳо ба баргузории раъйпурсии умумихалқӣ оид ба “Тағйиру иловаҳо ба Конститутсияи (Сарқонуни) Ҷумҳурии Тоҷикистон” таъсис ва тасдиқи ҳайати комиссияҳои ҳавзавии раъйпурсӣ мебошад. Зеро комиссияҳои ҳавзавии раъйпурсӣ дар ин раванд нақши басо муҳим доранд ва масъалаҳои гуногуни вобаста ба раъйпурсиро дар ҳудуди ҳавза ҳаллу фасл менамоянд.
Аз ин рӯ бо қарори Комиссияи марказии интихобот ва раъйпурсӣ дар ҷумҳурӣ дар 68 ҳавзаи раъйпурсӣ комиссияҳо ҳар кадом дар ҳайати раис, муовини раис, котиб ва на кам аз 6 аъзо ташкил карда шуд.
Инчунин бо қарорҳои Комиссияи марказии интихобот ва раъйпурсӣ намунаҳои муҳри комиссияҳои ҳавзавӣ ва участкавии раъйпурсӣ, қуттиҳои овоздиҳӣ муқаррар ва тартиби иваз кардани аъзои комиссияҳои ҳавзавию участкавии раъйпурсӣ муайян карда шуданд.
Дар ҷаласа зикр гардид, ки Комиссияи марказии интихобот ва раъйпурсӣ бо мақсади дар сатҳи баланди ташкилӣ баргузор намудани ин чорабинии муҳими сиёсӣ ва бо санадҳои ҳуқуқӣ таъмин кардани комиссияҳои раъйпурсӣ тибқи салоҳиятҳои қонунии худ дастурамалҳо таҳия ва тасдиқ намуда, татбиқи якхелаи қонунро таъмин карда, онро тавзеҳ медиҳад.
Бо ин мақсад бо қарорҳои КМИР 5 дастурамал ва як маҷмуаи саволу ҷавобҳо доир ба гузаронидани раъйпурсӣ тасдиқ карда шуданд. Дастурамалҳои мазкур бо теъдоди зиёд чоп шуда, ба ҳамаи комиссияҳои поёнии раъйпурсӣ дастрас карда мешаванд.
Мумина Шовалиева: «Растаниҳои худрӯйи Тоҷикистон дар фасли баҳор ҷузъи ҷудонашавандаи таомҳои миллӣ мебошанд»
Занону модарони тоҷик тақдирсоз ва таърихсоз мебошанд
Нақши занон дар хизмати давлатӣ барои рушди ҷомеа ва давлат аҳамияти бузург дорад
Бахшида ба Рӯзи Модар ҳамоиши занони соҳаи таҳсилоти ибтидоӣ ва миёнаи касбӣ баргузор шуд
Шоҳона Сулаймон: «Сарриштаи зиндагиву рӯзгори ҳар як оила, пеш аз ҳама, дар дасти Зан-Модар аст»
Дар Агентии суғуртаи иҷтимоӣ ва нафақаи Тоҷикистон Рӯзи Модар ботантана таҷлил карда шуд
Вазорати нақлиёти Тоҷикистон: «Ба ронандагон тавсия дода мешавад, ки бе зарурати шадид бо роҳҳои кӯҳӣ ба сафар набароянд»
Бо иштироки ҷавондухтарону фаъолзанони гуногункасб ҳамоиши бошукуҳ доир гардид
Ба сокинони вилояти Суғд хизмати ройгони тиббӣ расонида шуд
Дар Душанбе масъалаҳои соҳаи гематология баррасӣ шуданд
Ба ифтихори Рӯзи Модар иқдоми ҷумҳуриявии «Модар-чашмаи меҳр» идома дорад
IRS: Роҳи Душанбе-Чанок бинобар мавҷуд будани хавфи тармафароӣ муваққатан баста шудааст
