Конфронси илмӣ- амалӣ ба хотираи Нисормуҳаммад Юсуфзиё

Душанбе, 29.02.2016 (АМИТ «Ховар»).- 2-юми март дар Мактаби байналмилалии Президентӣ бахшида ба 120-солагии зодрӯзи арбоби намоёни сиёсӣ ва давлатии Ҷумҳурии Тоҷикистон Нисормуҳаммад Юсуфзиё конфронси ҷумҳуриявии илмӣ- амалӣ баргузор мегардад.
Дар конфронс Ирина Каримова, ноиби президенти Академияи таҳсилоти Тоҷикистон иштирок намуда, Беҳрӯз Неъматов, ассистенти кафедраи таърихнигорӣ ва архившиносии факултаи таърихи ДМТ дар мавзӯи «Ҳаёт ва фаъолияти кории Нисормуҳаммад Юсуфзиё» , Фозил Абдурашидов, сарходими Институти таърих дар мавзӯи «Нақши Нисормуҳаммад Юсуфзиё дар таъсиси ҶШС Тоҷикистон», Бахтовар Темирзода, корманди Осорхонаи миллии Тоҷикистон доир ба «Исботи ҳастии маънавии тоҷикон дар осори Нисормуҳаммад Юсуфзиё» ва дигарон маърӯза мекунанд.
Бояд гуфт, ки Нисормуҳаммад Юсуфзиё, ходими намоёни давлатӣ, маорифчии шуълавари Осиёи Марказӣ буда, яке аз поягузорони маорифи кишвар мебошад. Саҳми ӯ дар ташкили аввалин мактабҳои умумии маҳви бесаводӣ ва ҷобаҷогузории кадрҳои миллӣ, чопи аввалин рӯзномаву маҷаллаҳо хеле назаррас аст.