Мулоқоти вазири рушди иқтисод ва савдо бо сафири Қазоқистон
Душанбе. 17.02.2015. (АМИТ «Ховар»).-Баррасии ҳамкории самарабахши иқтисодӣ байни Тоҷикистон ва Қазоқистон мавзўи асосии мулоқоти вазири рушди иқтисод ва савдо Неъматулло Ҳикматуллозода бо Сафири Ҷумҳурии Қазоқистон дар шаҳри Душанбе Агибай Смагулов гардид, ки имрўз дар Вазорати рушди иқтисод ва савдо баргузор гашт.
Ҷонибҳо азми худро барои боз ҳам густариш додани ҳамкории иқтисодию тиҷоратӣ баён доштанд. Аз ҷумла, Сафири Ҷумҳурии Қазоқистон зикр намуд, ки дар минтақаҳои гуногуни ин кишвар анборҳои нигаҳдории маҳсулоти кишоварзӣ сохта мешаванд, ки барои афзун намудани иқтидори содиротии Тоҷикистон мусоидат хоҳанд кард. Сафир изҳори бовар намуд, ки ҷониби Тоҷикистон интиқоли васеи меваю сабзавотро барои нигаҳдорӣ дар ин анборҳо ва фурўши минбаъдаи онҳо чӣ дар бозори дохилии Қазоқистон ва чӣ берун аз ҳудуди он таъмин хоҳад кард.
Вазири рушди иқтисод ва савдо иброз дошт, ки содироти маҳсулоти кишоварзӣ дар гардиши савдои хориҷӣ бо Ҷумҳурии Қазоқистон тамоюли рушдро касб намудааст.
Ҷумҳурии Қазоқистон аз ҷиҳати гардиши савдои хориҷӣ бо Ҷумҳурии Тоҷикистон дар мавқеи сеюм қарор дорад. Қазоқистон таҳвилкунандаи асосии орд, гандум, гази моеъ, равғани растанӣ ва маҳсулоти дигари ҳаётан муҳим ба кишвари мо маҳсуб мешавад.
ТАЪСИРИ ШАБАКАҲОИ ИҶТИМОӢ БА РУҲИЯИ КӮДАКОН. Ва ё «оҳанро дар гармияш бояд кӯфт»
Соли 2025 шаҳрвандон ва соҳибкорон беш аз 6 миллион амалиёти ғайринақдиро анҷом доданд
Имрӯз дар Тоҷикистон ҳаво тағйирёбандаи бебориш мешавад
ҒИЗОИ СОЛИМ. Чӣ тавр аз лӯбиё таом ва ё хӯриш омода намоем?
Имрӯз дар Тоҷикистон ҳавои тағйирёбандаи бебориш дар назар аст
ФУТБОЛ. Дастаҳои асосӣ ва ҷавонони «Вахш» бо медалҳои нуқра ва биринҷӣ мукофотонида шуданд
Имрӯз дар Тоҷикистон борон меборад
ҶАМЪБАСТИ НИШАСТҲОИ МАТБУОТӢ. Имрӯз дар якчанд вазорату идора нишасти матбуотӣ баргузор мегардад
Тарофаи мобилӣ – мувофиқи талаботи шахсии шумо
Имрӯз дар ноҳияҳои кӯҳии Тоҷикистон бориши борон ва барф дар назар аст
